У Менску праз моцную залеву «патанулі» чатыры раёны

З наступствамі «змагаліся» больш за 300 ратавальнікаў і рамонтнікаў.

У ліквідацыі наступстваў моцнай залевы, якая абрынулася на Менск 15 ліпеня, удзельнічалі больш за 300 ратавальнікаў і іншых спецыялістаў, было задзейнічана 158 адзінак тэхнікі. Пра гэта паведамілі ў МНС.

Праз моцную залеву ў сталіцы было зафіксавана 17 адцінкаў падтапленняў праезных частак: Ленінскі раён — 5, Заводскі раён — 4, Кастрычніцкі раён — 3, Партызанскі раён - 5. Таксама праз падтапленні на гэтых адцінках спыніўся рух грамадскага транспарту.

Дапамогу насельніцтву і арганізацыям горада ратавальнікі надавалі ў 13 выпадках. Пацярпелых няма.

Для ліквідацыі наступстваў залевы былі задзейнічаныя 158 адзінак тэхнікі і 310 чалавек, з іх: МНС — 14 адзінак тэхнікі, 69 чалавек, ДВА «Гаррамаўтадар Мінгарвыканкама» — 90 адзінак тэхнікі, 164 чалавекі, УП «Рэмаўтадар» — 54 адзінкі тэхнікі, 77 чалавек.

Раней сіноптыкі папярэджвалі, што навальніцы пройдуць у краіне і ў сераду, 16 ліпеня. Пры навальніцах месцамі прагназуюцца моцныя ліўні і шквалістае ўзмацненне ветру. Парывы будуць дасягаць 15-20 м/с.

Нагадаем, 15 ліпеня на Менск абрынуўся моцны дождж з навальніцай. Ён падтапіў вуліцы, спыніў рух, адключыў святлафоры, выклікаў перабоі ў працы грамадскага транспарту і сабраў дзесяцібальныя заторы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com