Прэзідэнт Літвы ўзнагародзіў украінскіх вайскоўцаў
1- 16.07.2025, 10:43
- 2,444
За адвагу і прафесіяналізм у аперацыі «Пасланец».
Прэзідэнт Літвы Гітанас Наўседа ўзнагародзіў прадстаўнікоў украінскіх сіл спецыяльных аперацый, якія бралі ўдзел у эвакуацыі цела загінулага Літоўскага добраахвотніка Томаса Валентэліса.
Пра гэта гаворыцца ў паведамленні камандавання сіл спецыяльных аперацый УС Украіны на старонцы ў Facebook, паведамляе «Еўрапейская праўда».
Камандаванне паведаміла, што за праяўленую адвагу і прафесіяналізм прэзідэнт Літоўскай Рэспублікі ўзнагародзіў прадстаўнікоў сіл спецыяльных аперацый УС Украіны дзяржаўнай узнагародай – ордэнам «За заслугі перад Літвой». Усім удзельнікам гэтай аперацыі будуць асобна ўручаны ўзнагароды за асабісты ўклад у выкананне місіі.
«Аперацыя «Пасланнік» - эвакуацыя цела 20-гадовага літоўскага добраахвотніка Томаса Валентэліса з замежнага легіёна УСУ. Да яе аператары ССА старанна рыхтаваліся больш за тыдзень: выведка раёна, трэніроўкі, планаванне маршруту эксфільтрацыі і адцягвальных дзеянняў», – распавялі ў камандаванні.
Цела загінулага літоўскага добраахвотніка ўдалося эвакуаваць даслоўна з-пад носа ворага. Ваяры ССА непрыкметна дабраліся да месца гібелі Томаса Валентэліса, ідэнтыфікавалі яго цела, падрыхтавалі да транспартавання і, нягледзячы на шчыльны варожы агонь, паспяхова эвакуавалі без страт.
Раней міністарка абароны Літвы Давіле Шакаліене абвясціла, што літоўскага добраахвотніка Томаса Валентэліса пасмяротна ўзнагародзяць адной з найвышэйшых вайсковых узнагарод краіны.
Валентэліс загінуў у сакавіку 2025 года падчас выканання баявога задання ва Украіне. 20-гадовы хлопец служыў у складзе інтэрнацыянальнага легіёна УСУ са жніўня 2024-га года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
