The Telegraph: Трамп нанёс геніяльны ўдар па Пуціну
8- 16.07.2025, 11:14
- 16,580
План прэзідэнта ЗША стымулюе ЕЗ падмацаваць свае словы справамі.
Прэзідэнт ЗША Дональд Трамп абвясціў аб планах пашырыць пастаўкі зброі ва Украіну, аднак пры гэтым прымусіць Еўропу плаціць за гэта. Аднак, як піша аглядальнік The Telegraph Рычард Кэмп, гэтая ідэя сутыкаецца з крытыкай з боку еўрапейцаў.
«План Трампа... геніяльны, прынамсі, як канцэпцыя. Ён змушае краіны ЕЗ і Вялікабрытанію падмацаваць свае словы справамі, а не дазваляць ім аздабляцца пустымі заявамі накшталт «мы б зрабілі больш, але ў нас проста няма зброі». Ён ідэальна ўпісваецца ў яго рашучасць перакласці на Еўропу большую частку цяжару развязання яе ўласных праблем. І ён павінен быць выгадны амерыканскім выбарцам, сярод якіх далейшае фінансаванне абароны Украіны з боку ЗША непапулярнае», - адзначае Кэмп.
Як нагадвае выданне, Трамп паабяцаў Украіне Patriot, якія будуць альбо закупленыя наўпрост у ЗША, альбо пададзеныя з уласных запасаў краін NATO з наступнай заменай. Аднак міністр абароны Нямеччыны Барыс Пісторыюс заявіў, што першыя Patriot будуць адпраўленыя ва Украіну праз некалькі месяцаў, што, відавочна, азначае, што Бэрлін не гатовы перадаваць свае ўласныя ракетныя сістэмы, адзначае аглядальнік.
Зразумела, што Нямеччыне варта турбавацца аб уласнай супрацьпаветранай абароне, адзначае Кэмп:
«Але яго каментары красамоўна сведчаць аб тым, у чым па-ранейшаму палягае прыярытэт Еўропы, нягледзячы на нібыта настойлівыя заявы кантынента аб гатоўнасці зрабіць усё магчымае для перамогі Украіны».
Акрамя таго, прапанаваны Трампам новы рэжым другасных мыт супраць краін, якія вядуць бізнэс з Расеяй, таксама можа мець пераканаўчае ўздзеянне. Аднак кіраўніца замежнапалітычнай установы ЕЗ Кая Калас заявіла, што 50-дзённы тэрмін, дадзены Трампам Пуціну для перамоў, «вельмі доўгі».
«Магчыма, Калас варта неадкладна ўвесці другасныя мыты ЕЗ, а не выкрыкваць крытыку з боку?»,- іранізуе Кэмп.
Ён падкрэслівае, што апошні гамбіт Трампа мае шанец на поспех, калі выказаць здагадку, што Пуцін верыць у сур'ёзнасць намераў еўрапейцаў прымусіць Расею сесці за стол перамоў.
«На жаль, яны не дэманструюць гэтага паслядоўна. Ці сапраўды яны хочуць дапамагчы Украіне перамагчы ў вайне ці проста хочуць, каб Амерыка зрабіла гэта за іх», - рэзюмуе аналітык.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
