Мужчына ў Менску разграміў 18 прыпаркаваных машынаў

Ён кідаў у машыны цэглу і тратуарную плітку.

Жыхар Кобрына прыехаў у Менск, каб падзарабіць. Мужчына ўладкаваўся дворнікам, але працаваў нядоўга: праз пару месяцаў яго звольнілі за п'янку.

Дадому 58-гадовы мужчына не паехаў, замест гэтага пастанавіў жыць на вуліцы і жабраваць. Амаль усё мінулае лета кобрынец начаваў у сталічных пад'ездах, пішуць «Менск-Навіны».

Аднойчы ён перабраў з алкаголем, і яму ў галаву стрэльнула дзіўная ідэя. Ён захацеў выратаваць кіроўцаў ад аварый. Мужчына рушыў на шпацыр па дварах вуліцаў Алешава, Усходняй, Ламаносава і Якуба Коласа і пачаў разбураць прыпаркаваныя машыны. Логіка ў яго была такая: людзі ездзяць на аўто і трапляюць у аварыі, а калі машыны разбіць, то гэта ўратуе кіроўцаў ад ДТЗ.

Мужчына падышоў да справы з усёй адказнасцю. Ён кідаў у машыны цэглу, тратуарную плітку, кветкавыя кашпо, біў па кузавах нагамі і рукамі, вырываў з газонаў слупкі з шыльдамі, а пасля біў імі па транспартных сродках, выломваў люстэркі, а ў адзін з аўтамабіляў шпурнуў самакат.

Усяго кобрынец паспеў пашкодзіць 18 машынаў і нанёс стратаў на 28,5 тысячы рублёў.

Суд «высакародны» пасыл мужчыны не ацаніў і прызначыў яму тры гады калоніі ўзмоцненага рэжыму, а таксама прымусовае лячэнне ад алкагалізму. Яшчэ яму давядзецца неяк кампенсаваць страты ўладальнікам аўтамабіляў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com