Галоўную выставу расейскай зброі скасавалі ўпершыню за 10 гадоў

Выстава павінна была праходзіць з 11 да 14 жніўня 2025 года.

Мінабароны Расеі пастанавіла адмовіцца ад правядзення XI ваенна-тэхнічнага форуму «Армія», на якім дэманструецца расейская зброя, паведаміла крыніца «Известий».

Прычыны ён не ўдакладніў. Выстава павінна была праходзіць з 11 да 14 жніўня 2025 года ў парку «Патрыёт». Сайт форуму па-ранейшаму працуе. Інфармацыі пра скасаванне няма ні ў тэлеграм-канале, ні ў групе мерапрыемства ва «УКантакце», аднак яго анонс прыбралі з афішы на сайце канцэртна-выставачнага цэнтра «Патрыёт», у чым можна пераканацца, вывучыўшы архіўную версію старонкі.

Форум «Армія»– галоўная выстава Мінабароны, якая праводзіцца штогод з 2015 года і пазіцыянуецца як «пляцоўка для дэманстрацыі перадавых ідэй і распрацовак» расейскага ваенна-прамысловага комплексу. Да гэтага часу мерапрыемства не скасоўвалі ні разу, нават у перыяд пандэміі каранавірусу. Раней форум доўжыўся сем дзён, але ў 2024 годзе яго праграму скарацілі да трох. Сёлета выставачныя плошчы забранявалі больш за 800 удзельнікаў, у тым ліку замежных, сцвярджалі арганізатары.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com