«Гэты махавік даб'е мядзведзя»
5- 17.07.2025, 7:54
- 13,588
«Чорны лебедзь» для Расеі ўжо ў дарозе.
У свой час Савецкі Саюз распаўся праз падзенне кошту нафты і гонкі ўзбраенняў. Няма сэнсу нават параўноўваць фінансавыя магчымасці Расеі і Захаду, таму ў гонцы ўзбраенняў відавочна, хто пераможа, выказаў свой пункт гледжання ваенны экспэрт Пётр Чэрнік.
Экспэрт падкрэсліў, што да падзення пуцінскай Расеі, хутчэй за ўсё, прывядзе менавіта гонка ўзбраенняў, а не толькі падзенне кошту нафты, як гэта было з Савецкім Саюзам.
Меркаванне Пятра Чэрніка можна даведацца з ягонага інтэрв'ю для канала «Армія TV» на YouTube.
Ваенны экспэрт наглядна паказаў слабасць Расеі на фоне калектыўнага Захаду: «Дзе тут той момант, які будзе мець гістарычны аспект у частцы гонкі ўзбраенняў? Трохі вяртаемся ў мінулае. Савецкі Саюз пацярпеў глабальны крах пры двух абставінах. Мы тысячу разоў разбіралі энэрганосьбіты (нізкі кошт нафты), але мы ні разу не разбіралі і цяпер упершыню разбяром гонку ўзбраенняў. Савецкі Саюз амаль 15% свайго ВУП выдаткоўваў на гэтую гонку ўзбраенняў пры тым, што гэта была вялікая магутнасць, 250 млн насельніцтва, другая звышдзяржава і не вытрымала гэтай гонкі ўзбраенняў».
Пётр Чэрнік выказаў меркаванне з нагоды таго, што прывядзе да краху Расеі: «Як пры такіх вялікіх махавіках Расея са сваім ВУП на 2,5 трлн даляраў вытрымае канкурэнцыю з монстрам (агулам ЗША і Еўропа ВУП 50 трлн даляраў)? Пуцін у свой час адрэфлексаваў, што крах Савецкага Саюза — гэта геапалітычная катастрофа гістарычнага парадку, і мы страцілі 49% сваёй цяжкай прамысловасці. Цяпер, калі яны свайго амаль нічога не выпрацоўваюць, то як гэтую канкурэнцыю вытрымліваць? Вось гістарычны аспект, які пацвярджае, што гэты махавік рана ці позна даб'е мядзведзя».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
