«Спатрэбіцца сума да 1386 рублёў»

Колькі каштуе сабраць у Беларусі дзіця ў школу?

На тое, каб сабраць дзіця ў школу сёлета, спатрэбіцца сума ад 336 рублёў да 1386 рублёў. Якія зніжкі і калі будуць ва ўнівермагах, які там асартымент і што з якасцю рэчаў, расказалі на прэс-канферэнцыі аб працы школьных кірмашоў прадстаўнікі прадпрыемства «Сталічны гандаль і паслугі» і МАРГ, піша Onlíner.

- Да новага сезона абнаўленне асартыментных калекцый складае амаль 65%, падрыхтавана больш за 250 новых мадэляў адзення. Адзення дзелавога стылю прадстаўленае да 300 найменняў, абутку — да 120 мадэляў, заплечнікаў — да 50 мадэляў, — адзначыла Кацярына Макуцэня з МАРГ.

Адзначаецца, што новыя калекцыі крамы выбіраюць яшчэ зімой — напрыклад, з гэтага сезону стала больш спадніц у складку і блузак з карункамі.

- У апошнія 2 гады захоўвае сваю актуальнасць капсульных падыход — гэта фармаванне гардэроба з невялікай колькасці рэчаў, якія добра паміж сабой спалучаюцца, пры гэтым дазваляюць ствараць шматлікія вобразы на кожны дзень, што і эканамічна выгадна, і зручна. Нашы вытворцы адсочваюць трэнды - гэта і завужаныя штаны, і штаны палацо. Паводле інфармацыі вытворцаў, для дзяўчынак павялічаная вытворчасць гарнітураў з нагавіцамі, якія таксама карыстаюцца попытам.

Большасць прадукцыі на школьных кірмашах -беларускай вытворчасці.

- Са швейных таварах удзельная вага пастаўкі айчынных вытворцаў складае 92,5%. Пры гэтым за мінулы год удзельная вага рэалізаванай прадукцыі была 91%. І імпарт у нас прадстаўлены дзеллю 8%. У прынцыпе спажывец выбірае айчынны тавар, імпарт не павялічваецца ў рэалізацыі. Карціна з абуткам не такая цікавая: імпарту прадстаўлена 58%, спажывец купіў імпартных вырабаў 50%. У трыкатажных таварах - дзель імпартных вырабаў 32%, дзель рэалізацыі такая ж. У галантарэйных таварах дзель імпарту і рэалізацыі блізу 60%, — расказала Настасся Макарская, прадстаўніца прадпрыемства «Сталічны гандаль і паслугі».

Большая частка імпарту - гэта Расея, часткова - Кітай.

Кацярына Макуцэня адзначае, што ўся прадстаўленая на школьных кірмашах прадукцыя адпавядае патрабаванням якасці і бяспекі, на яе атрыманы сертыфікаты. Асноўнымі матэрыяламі ў беларускіх вытворцаў з'яўляюцца віскоза, шэрсць, бавоўна, а поліэфір дадаюць для большай зносаўстойлівасці.

Дзе знайсці адзенне па патрабаванні школы?

На пытанне аб тым, ці будуць у продажы розныя ў расфарбоўках варыянты адзення для школ, адказваюць, што так — асабліва ў лакальных універмагах: яны ўзаемадзейнічаюць са школамі паблізу і групуюць адзенне паводле колераў.

Дзе і калі зніжкі?

У ЦУМа ёсць акцыя «Дзень школьніка»: кожную сераду прапануюць зніжкі 15% на школьны асартымент, таксама дадаткова будзе распродаж са зніжэннем кошту да 30%.

Ва ўнівермагу «Беларусь» ёсць зніжкі да 25% па аўторках, чацвяргах і суботах.

Аналагічная акцыя ў гандлёвым доме «На Нямізе»: па серадах, пятніцах і суботах.

Універмагі таксама абяцаюць пакупнікам з 1 да 31 жніўня бясплатную паслугу падшывання швейных вырабаў пад постаць дзіцяці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com