Стала вядомая рэальная колькасць біткойнаў ва ўладаў ЗША
3- 18.07.2025, 10:36
- 2,096
Гэта істотна менш, чым меркавалася раней.
Служба федэральных маршалаў ЗША мае 28 988 BTC — гэта істотна менш, чым меркавалася раней. Інфармацыя стала вядомая з адказу на запыт FOIA, які падала журналістка пад нікам L0la L33tz, піша forklog.com.
Hey @DavidFBailey, man of your word, looks like you owe me $10,000 https://t.co/4zE0pugqpr pic.twitter.com/LSYpkheJGH
— L0la L33tz (@L0laL33tz) July 16, 2025
Яна дзейнічала ў рамках задання ад старшыні Bitcoin Magazine Дэвіда Бэйлі, які паабяцаў $10 000 за пацвярджэнне аб'ёму першай крыптавалюты на балансе ўрада.
L0la L33tz патлумачыла розніцу паміж арыштаванымі і канфіскаванымі актывамі. Служба федэральных маршалаў распараджаецца менавіта канфіскаванымі манетамі - тымі, якія паводле пастановы суда перайшлі ва ўласнасць дзяржавы. Толькі гэтыя актывы ўрад можа прадаць.
Паводле ейных слоў, папулярныя ончэйн-трэкеры нярэдка даюць недакладныя звесткі, бо ўлічваюць і арыштаваныя біткойны. Гэтымі актывамі могуць кіраваць ведамствы накшталт ФБР, але да вердыкту суда прадаць іх нельга.
У якасці прыкладу L0la L33tz прывяла 94 000 BTC са ўзлому біржы Bitfinex. Трэкеры прыпісваюць іх ураду, аднак пастанова аб канфіскацыі ў справе яшчэ не вынесеная. Гэта значыць, што асцярогі рынку аб магчымым продажы манет заўчасныя.
Служба маршалаў рэалізуе актывы праз публічныя аўкцыёны. Пакуль ведамства не абвяшчала пра новы продажы, усе 28 988 BTC застаюцца на яго балансе.
Раней у Arkham ідэнтыфікавалі партманэты ўрада ЗША, на якіх захоўваюцца біткойны на ~$23,5 млрд.
Навіна выклікала крытыку з боку прыхільнікаў назапашвання лічбавага золата. Сэнатарка Сінція Ламіс назвала сітуацыю «стратэгічнай памылкай».
I’m alarmed by reports that the U.S. has sold off over 80% of its Bitcoin reserves—leaving just ~29,000 coins.
— Senator Cynthia Lummis (@SenLummis) July 16, 2025
If true, this is a total strategic blunder and sets the United States back years in the bitcoin race. https://t.co/ciYf1uhy0x
«Я ўстрывожаная паведамленнямі, што ЗША прадалі больш за 80% сваіх рэзерваў. Калі гэта праўда, гэта адкідвае краіну на гады назад у біткойн-гонцы», — заявіла яна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
