Ірландзец, які тэставаў беларускія сталоўкі, з'ехаў з Беларусі

Найл Доэрці пражыў у нашай краіне 10 гадоў.

Блогер з Ірландыі Найл Доэрці дзесяць гадоў пражыў у Менску. Пад нікам Irish Partizan ён публікаваў агляды на розныя беларускія сталоўкі.

Нядаўна Доэрці з'ехаў з нашай краіны.

Паводле словаў Найла, сваё першае відэа пра Беларусь ён выклаў яшчэ ў 2019 годзе. І яно было прысвечанае святкаванню Дня Перамогі ў Гомелі.

«Я выкарыстаў свой канал, каб весці відэаблог і дакументаваць паўсядзённае жыццё ў Беларусі – жыццё ірландца, які жыве і працуе ў Беларусі, у Менску. З часам я стаў кімсьці накшталт Mr. Менск. Многія звярталіся да мяне і гаварылі, што знайшлі ўва мне вялікую крыніцу натхнення, – расказвае Доэрці і заўважае: – Але, як кажуць, усе падарожжы ўрэшце павінны калі-небудзь скончыцца».

Паводле ягоных словаў, сур'ёзныя змены пачаліся яшчэ напрыканцы мінулага года. На Каляды ягоны канал страціў магчымасць манетызавацца праз санкцыі Google супраць Беларусі, што азначала страту прыбытку з YouTube. Але гэта, паводле словаў блогера, не стала пачаткам праблемаў.

Найл кажа, што раней падпісчыкі скардзіліся на тэхнічныя збоі – іх аўтаматычна адпісвалі ад канала, а каментары не адлюстроўваліся.

«Кожны раз, калі я выкладаў новае відэа, я страчваў у сярэднім ад 20 да 25 падпісчыкаў – з кожным відэа. І гэта жудасна хвалявала», – скардзіцца Доэрці.

Акрамя праблемаў з YouTube, у асабістым жыцці Найла таксама адбыліся змены. У сярэдзіне сакавіка ён быў звольнены з ІТ-кампаніі, у якой працаваў. Пасля гэтага блогер прыняў прапанову працы ў новай краіне.

Найл пакуль не называе краіну, куды пераязджае, аднак кажа, што гэта не Расея, якую ён некалькі разоў згадваў на сваім канале.

«Так, я пакідаю Беларусь. Дзесяць гадоў жыцця. Так, гэта крыху сумна. Але надышоў час ісці далей. Пачынаецца новы раздзел – поўны надзей і адкрыццяў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com