Супрацоўніца гатэля ў час прыборкі нумара знайшла $50 тысячаў

Што яна зрабіла?

У сталічным гатэлі «Звязда» пакаёўка знайшла ў нумары буйную суму грошай гатоўкай, забытую пастаяльцам, піша агенцтва «Менск-Навіны».

Пасля ад'езду госця пакаёўка, якая працуе на 11-м паверсе, пачала прыборку і пры запраўцы пасцелі знайшла пад падушкай пакет з грашыма. Яна неадкладна апавясціла адміністрацыю, дзякуючы чаму атрымалася аператыўна звязацца з няпамятлівым пастаяльцам.

Мужчына, заўважыўшы знікненне, быў моцна занепакоены і прызнаўся, што забыўся ў нумары $50000. Паводле ягоных словаў, ён адмовіўся ад выкарыстання сейфа, надумаўшы захоўваць грошы па-старому.

– Паводле правілаў я адразу звярнулася да адміністратара і, калі кліент прыйшоў, перадала яму грошы. У нас людзі часта нешта забываюць, а з сумленнем угоды не заключаю, – расказала пакаёўка Антаніна.

Кіраўніцтва гатэля выказала падзяку за добрасумленны ўчынак. Жанчыну заахвоцяць прэміяй і афіцыйнай падзякай, якую ўрачыста ўручаць на агульным зборы працоўнага калектыву.

Цікава, што падобны выпадак ужо адбываўся ў гэтым жа гатэлі ўлетку 13 гадоў таму: тады іншая пакаёўка знайшла ў бялізне пояс, у якім былі зашытыя $20000.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com