Лукашэнка дапусціў промах у заяве пра Сі Цзіньпіна

Дыктатар праракаваў кіраўніку КНР смерць?

7 чэрвеня на адкрыцці Нацыянальнага футбольнага стадыёна Аляксандр Лукашэнка прапанаваў паставіць у Менску помнік Сі Цзіньпіну.

«Я сказаў на ўваходзе (каля стадыёна ўсталяваная скульптурная кампазіцыя, якая паказвае футбалістаў Беларусі і Кітая – заўв.): якраз тут паставіць бы помнік майму сябру Сі Цзіньпіну. Таму што толькі дзякуючы яму кітайцы за свой кошт пабудавалі гэты стадыён», – зазначыў кіраўнік Беларусі.

UDF тлумачыць, чаму, хочучы ўсхваліць кіраўніка Кітая, Лукашэнка дапусціў моцны промах.

Ці ёсць у свеце помнікі Сі Цзіньпіну?

Сі Цзіньпін кіруе КНР ужо трэці тэрмін, але, нягледзячы на відавочнае ўзмацненне глабальнага ўплыву Кітая за гэты час, афіцыйных помнікаў яму не ўстанавілі ні ў Кітаі, ні дзе-небудзь у свеце.

У адкрытых крыніцах можна знайсці інфармацыю, што да Лукашэнкі «шалёную думку» выказвалі ў Сербіі. У 2021 годзе з такой ідэяй там выступіла новая камуністычная партыя. Яе аргументацыя заключалася ў неабходнасці аддзячыць Кітаю за мільярды даляраў інвестыцый і мільёны дозаў вакцынаў ад каранавірусу.

Аднак гэтую ідэю ніхто не падтрымаў. Не было словаў ухвалення, у тым ліку з Пекіна.

Дарэчы, у самім Кітаі няма не толькі помнікаў Сі Цзіньпіну, але і больш сціплых бюстаў яму. Ды і ўвогуле помнікаў жывым людзям афіцыйна ў Кітаі не ставяць. Чаму?

Кітайская традыцыя: чаму ставіць помнікі жывым людзям непрымальна

Ёсць некалькі прычынаў, чаму ўстаноўка помніка Сі Цзіньпіну пры ягоным жыцці для кітайцаў непрымальная.

Адна з галоўных – кітайская традыцыйная культура і філасофія. У іх помнік – гэта сімвал заканчэння шляху, сродак замацавання спадчыны чалавека або боства. Таму ідэя Лукашэнкі паставіць помнік жывому чалавеку можа ўспрымацца кітайцамі як дрэнны знак.

Не менш важная прычына – гістарычны досвед культу асобы Маа Цзэдуна. Усхваленне «вялікага стырніка» мела для краіны страшныя наступствы, пасля ягонай смерці ў Кітаі асцерагаюцца культу асобы як агню.

Пры Дэн Сяапіне асудзілі культ асобы, называючы яго небяспечным для стабільнасці і развіцця краіны. І з таго часу ў Кітаі афіцыйна ўнікаюць празмернага праслаўлення жывых палітыкаў, уключаючы забарону на ўстаноўку помнікаў.

Калі ў 2016-м годзе ў правінцыі Хэнань мясцовыя ўлады дадумаліся ўстанавіць 36-метровую залатую статую Маа Цзэдуна, то яна прастаяла ўсяго тры дні, а потым была разбураная.

А калі крыху раней у правінцыі Гуйчжоу ўсталявалі невялікі манумент з надпісам «Таварыш Ху Цзіньтаа стаяў тут» (на той момант дзейны кіраўнік КНР), гэта справакавала хвалю кпінаў і здзекаў. Сам Ху Цзіньтаа відавочна быў гэтаму не рады.

Устаноўка помнікаў жывым людзям не ўпісваецца ў ідэалагічныя прынцыпы Камуністычнай партыі Кітая з яе акцэнтам на калектывізм. Хоць, безумоўна, культ асобы Сі Цзіньпіна ў сучасным Кітаі прысутнічае, але ён мае больш тонкі характар, які выключае, у тым ліку, паўсюдную прысутнасць у публічнай прасторы ягоных партрэтаў.

Такім чынам, ідэя Лукашэнкі ўстанавіць у Беларусі помніка Сі Цзіньпіну не можа быць станоўча ўспрынятая ні шараговымі кітайцамі, ні кіраўніцтвам КНР. Калі кіраўнік Кітая даведаўся пра ініцыятыву свайго «сябра», то, нельга выключаць, праклінаў яго апошнімі словамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com