Месяцовы грунт можа падтрымліваць жыццё

Навукоўцы навучыліся здабываць з яго ваду і кісларод.

Даследнікі з Кітайскага ўніверсітэта Ганконга ў Шэньчжэне распрацавалі тэхналогію, якая дазваляе атрымліваць ваду з месяцовага грунту і выкарыстоўваць яе для вытворчасці кіслароду і паліва, піша New Voice.

Гэтае адкрыццё можа стаць ключавым для забеспячэння жыцця на Месяцы і зменшыць залежнасць ад дастаўкі рэсурсаў з Зямлі.

У даследаванні, апублікаваным у часопісе Joule, навукоўцы прадэманстравалі, як узоры глебы з місіі «Чан'э-5» могуць стаць крыніцай вады. Атрыманая вільгаць потым выкарыстоўваецца для пераўтварэння вуглякіслага газу, які выдыхаюць астранаўты, у вадарод і аксід вугляроду – асноўныя кампаненты для сінтэзу паліва і вытворчасці кіслароду.

Для гэтага каманда ўжыла фотатэрмічную стратэгію: святло Сонца канцэнтруецца і ператвараецца ў цяпло, якое запускае хімічныя працэсы ў рэактары, запоўненым CO₂. Асноўным каталізатарам стала мінеральнае рэчыва ільменіт, якое вядомае як адзін з прыродных рэзервуараў вады на Месяцы.

Паводле словаў кіраўніка праекту Лу Вана, тэхналогія мае перавагу над папярэднімі падыходамі, паколькі спалучае здабычу вады з глебы і яе неадкладнае выкарыстанне для хімічнага сінтэзу ў адным працэсе. Гэта дае магчымасць эканоміць энэргію і спрашчае інфраструктуру.

Аднак, нягледзячы на перспектывы, выкарыстанне гэтай тэхналогіі на Месяцы пакуль абцяжарваюць экстрэмальныя ўмовы: вялікія тэмпературныя ваганні, інтэнсіўны радыяцыйны фон і нестабільны склад глебы. Акрамя таго, колькасць CO₂, якую выдыхаюць астранаўты, можа быць недастатковай для забеспячэння поўнага цыклу вытворчасці вады, кіслароду і паліва.

Навукоўцы падкрэсліваюць, што пераадоленне тэхнічных абмежаванняў з'яўляецца крытычна важным для стварэння ўстойлівай сістэмы падтрымання жыцця па-за Зямлёй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com