Трамп заклікаў скасаваць летнія вакацыі Сената для тэрміновых прызначэнняў

Амерыканскі прэзідэнт звярнуўся да лідара рэспубліканскай большасці.

Прэзідэнт ЗША Дональд Трамп заклікае Сенат не сыходзіць на летнія вакацыі. Ён просіць зацвердзіць прапанаваныя ім кандыдатуры службовых асобаў.

Пра гэта Трамп напісаў у Truth Social.

Амерыканскі прэзідэнт звярнуўся да лідара большасці ў Сенаце рэспубліканца Джона Туна.

«Спадзяюся, што вельмі таленавіты Джон Тун, які атрымаў шматлікія перамогі за апошнія два тыдні, а насамрэч за апошнія шэсць месяцаў, скасуе жнівеньскія вакацыі (і доўгія выходныя), каб зацвердзіць маіх неверагодных намінантаў», – напісаў Трамп.

Як адзначаецца, сенатары павінны зацвердзіць шэсць намінантаў, якіх вылучыў Трамп. Але ў жніўні ў сенатараў запланаваныя вакацыі.

Сярод ключавых кандыдатаў, якіх павінны зацвердзіць – юрыст з Міністэрства юстыцыі Эміль Боў на пасаду суддзі федэральнага апеляцыйнага суда і былая вядоўца тэлеканала Fox News Джанін Піро на пасаду галоўнай федэральнай пракуроркі ў акрузе Вашынгтона.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com