У Расеі арыштавалі трох былых чыноўнікаў Белгародскай вобласці

Іх абвінавачваюць у крадзяжы падчас будаўніцтва ўмацаванняў.

Былога кіраўніка ўправы капітальнага будаўніцтва (УКБ) Белгародскай вобласці Расеі Аляксея Сошнікава і двух яго падначаленых Ларысу Стралецкую і Андрэя Рашэцьку адправілі ў СІЗА паводле абвінавачання ў асабліва буйной растраце падчас арганізацыі будаўніцтва лініі абароны на мяжы з Украінай (частка 4 артыкула 160 КК), паведамілі ТАСС у праваахоўных органах. Фігурантаў этапавалі ў Маскву разам з новасібірскім бізнэсоўцам Сяргеем Петраковым, які таксама арыштаваны. Рашэнне ў выбары меры стрымання вынес Мяшчанскі раённы суд. Экс-чыноўнікам пагражае да 10 гадоў пазбаўлення волі.

Стралецкая працавала кіраўніком аналітычнага аддзела, каштарыснага нармавання і цэнаўтварэння УКБ. Рашэцька займаў пасаду намесніка начальніка ў вытворчасці. Па версіі следства, разам са сваім начальнікам і іншымі службовымі асобамі яны забяспечвалі кантракты падкантрольным і падстаўным фірмам, а таксама прымалі заведама нявыкананыя працы. Першапачаткова ў Сошнікава быў статус сведкі. Раней па справе аб крадзяжы на будаўніцтве ўмацаванняў у Белгародскай вобласці быў арыштаваны віцэ-губернатар Рустэм Зайнулін і блізкія да яго прадпрымальнікі Іван Новікаў і Канстанцін Зімін. Яшчэ адзін бізнэсовец Дзмітрый Бараўлёў уцёк і знаходзіцца ў вышуку. Намесніку кіраўніка рэгіёну інкрымінуюць махлярства ў асабліва буйным памеры (частка 4 артыкула 159 КК, да 10 гадоў пазбаўлення волі). Па звестках следства, ён прысвоіў не менш за 32 млн. рублёў.

Усяго ў 2022-2024 гадах Белгародскай вобласці выдаткавалі 19,5млрд. рублёў з федэральнага бюджэту на будаўніцтва ўмацаванняў ўздоўж мяжы з Украінай. Падрадчыкам было УКБ, якое да снежня 2022 года ўзначальваў Сошнікаў. Па версіі следства, ён і Зайнулін "выкарыстоўвалі службовае становішча з асабістых мэтаў і інтарэсаў трэціх асоб" дзеля незаконнага ўзбагачэння за кошт дзяржсродкаў. У прыватнасці, уклалі з “Рэгіён Сібірру” і “Будінвестрэзервам” Бараўлёва і Петракова 26 пагадненняў на 1,14 млрд. рублёў. З гэтай сумы бізнэсоўцы атрымалі амаль 925млн. рублёў, " дзякуючы злоўжыванню ўладай" з боку Зайнуліна і Сошнікава. Петракоў адразу ж здзейсніў буйныя набыткі: выдаткаваўся на кватэру ў Маскве і аўтамабіль Jeep Grand Cherokee.

Яшчэ частку грошай правялі праз кампаніі, якія належаць давераным асобам віцэ-губернатара, - Зіміну і Новікаву, - і перадалі 32млн. Зайнулліну. Генпракуратура ўжо падала грамадзянскі пазоў на 925 млн рублёў, запатрабавала спагнаць грошы з групы абвінавачаных у даход дзяржавы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com