Нямецкія фірмы інвестуюць 631 млрд. еўраў у эканоміку ФРГ

Да ініцыятывы Made for Germany далучылася 61 фірма.

Канцлер Нямеччыны Фрыдрых Мерц у панядзелак, 21 ліпеня, прывітаў першыя вынікі працы ініцыятывы Made for Germany, запушчанай нямецкім бізнэсам дзеля развіцця эканомікі ФРГ.

Мерц за інвестыцыі і ад дзяржавы, і ад бізнэсу

Як заявіў Мерц на сустрэчы з удзельнікамі ініцыятывы ў ведамстве федэральнага канцлера ў Берліне, гэта "вельмі моцны сігнал" для "перамены настрою ў краіне". Узгадніўшы спецфонд на 500 млрд. еўраў, урад ФРГ "праклаў шлях да таго, каб забяспечыць больш эканамічнага росту і больш інвестыцый".

Аднак інвестыцыі, якія патрабуюцца Нямеччыне, "ніяк не могуць быць атрыманыя толькі з грамадскіх бюджэтаў", прадоўжыў ён. Большую частку павінен прадаставіць прыватны бізнес, у якога, у сваю чаргу, ёсць дакладныя чаканні ад палітыкі, дадаў канцлер.

Чаканні бізнэсу ад палітыкі

Ініцыятыву "Made for Germany" вылучылі кіраўнікі Deutsche Bank, Siemens, Axel Springer і FGS Global.

У сустрэчы ў Берліне 21 ліпеня ўдзельнічалі, акрамя іншых, выканаўчы дырэктар Siemens Роланд Буш і кіраўнік Deutsche Bank Крысціян Зевінг.

Інвестыцыі ад Made for Germany павінны быць накіраваныя на даследаванні і распрацоўкі, зазначае агенцтва AFP. Таксама плануецца прадаставіць больш шырокі доступ да прыватнага капіталу кампаніям сярэдняга бізнэсу і стартапам, каб і яны маглі павялічыць свае інвестыцыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com