Літва не плануе аднаўляць транзіт беларускіх угнаенняў

«Беларуськалій» трапіў пад міжнародныя санкцыі ў 2021 годзе.

Літва не абмяркоўвае аднаўленне транзіту беларускіх калійных угнаенняў праз сваю тэрыторыю, бо такія пастаўкі трапляюць пад санкцыі ЗША і Еўразвяза. Пра гэта заявіў галоўны дарадца літоўскага прэзідэнта Гітанаса Наўседы ў пытаннях навакольнага асяроддзя і інфраструктуры Рамунас Дылба, перадае інфармагенцтва BNS.

І нават калі санкцыі ЗША і ЕЗ будуць знятыя, Літва мае прававыя інструменты ў межах нацыянальнага заканадаўства дзеля "абароны сваіх інтарэсаў".

"Калі мы ўбачым, што кампанія атрымлівае прыбытак ад транзіту угнаенняў і, магчыма, ускосна фінансуе ваенныя дзеянні [Расеі ва Украіне] або ўмацоўвае рэжым [Аляксандра Лукашэнкі], то гэта супярэчыць нацыянальным інтарэсам Літвы, і ў гэтым выпадку мы маглі б прымяняць нашы нацыянальныя прававыя інструменты ў прыняцці пастановаў", - падкрэсьліў ён.

На мінулым тыдні з'явіліся паведамленні, што тэрмінал сыпкіх грузаў Клайпедскага порта выступае за аднаўленне транзіту беларускіх угнаенняў праз Літву. Адпаведную прапанову нібыта кіраўніцтва тэрмінала накіравала ва ўрад Літвы. У тлумачэнні прапаноўвалася зрабіць акцэнт "на забеспячэнне глабальнай харчовай бяспекі, скарачэнне залежнасці ад экспарту ўгнаенняў з Расеі, а таксама зніжэнне прыбыткаў Расеі ад лагістыкі беларускага калію".

"Беларуськалій" трапіў пад міжнародныя санкцыі яшчэ ў 2021 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com