«ЕС пакараў банкі Пекіна»

Кітай рэзка адрэагаваў на санкцыі ў падтрымку Расеі.

Стораны чакаюць складаныя перамовы на фоне гандлёвай вайны і сітуацыі ва Украіне.

Кітай выказаў рэзкую незадаволенасць на адрас Еўрапейскага Звязу праз санкцыі ў дачыненні да банкаў краіны. Гэта ўскладніла сітуацыю перад жорсткімі перамовамі ў Пекіне.

Выданне Financial Times піша, што міністр гандлю Кітая Ван Вэнтаа «выказаў сур'ёзную незадаволенасць» у сувязі з санкцыямі еўракамісару ў гандлі Марашу Шэфчовічу. Абмежаванні, накіраваныя супраць двух невялікіх кітайскіх банкаў за спрыянне ў гандлі з Расеяй, увялі за некалькі дзён да саміту лідараў ЕЗ і Кітая, які адбудзецца ў чацвер, 24 ліпеня.

Пекін мае намер прадставіць саміт як трыумф шматбаковага падыходу і знак таго, што Еўропа адрываецца ад ЗША. Брусэль засяроджаны на тым, каб падкрэсліць, што расце гандлёвы прафіцыт Кітая і меркаваныя пастаўкі тавараў падвойнага прызначэння для вайсковых патрэб Масквы, якія Пекін адмаўляе, з'яўляюцца непрымальнымі.

«Кітай з'яўляецца ключавым чыннікам, што спрыяе вайне Расеі ва Украіне», - заявіла галоўная дыпламатка ЕЗ Кая Калас.

Паводле ейных слоў, ЕЗ устурбаваны залішнім вытворчым патэнцыялам Кітая, гандлёвым дысбалансам і “эканамічнымі прымусовымі практыкамі”, спаслаўшыся на яго дамінантнае становішча ў сферы крытычна важных сыравінных матэрыялаў, хімікатаў і спажывецкіх дронаў.

"80% усіх тавараў падвойнага прызначэння для Расеі праходзяць праз Кітай. Гэта вельмі праблематычна", - заявіў іншы высокапастаўлены чыноўнік ЕЗ.

Пекін імкнецца стварыць пазітыўны настрой, вітаючы саміт як сустрэчу "двух асноўных сіл у пабудове шматпалярнага свету, двух буйных рынкаў, якія падтрымліваюць глабалізацыю, і двух вялікіх цывілізацый, якія бароняць культурную разнастайнасць».

Адзін з высокапастаўленых чыноўнікаў ЕЗ, адказваючы на пытанне аб тым, якімі могуць быць «вынікі», сказаў, што само па сабе дасягненнем з'яўляецца тое, што стораны вядуць перамовы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com