Беларусы атрымаюць палёгку ў чэргах

Што пастанавілі з QR-кодамі.

У Беларусі перагледзелі правілы работы касавага абсталявання. Сканаваць два коды адразу не давядзецца, пракаментавалі Tochka.by ва ўрадзе.

Каб не заблытацца ў зменах, вызначымся з назвамі, якія нам спатрэбяцца.

Звычайны код, які заўсёды і сканаваўся, завецца рыска-код ці ж GTIN. Новая маркіроўка, якую прапануюць прабіваць у дадатак да цяперашняй - гэта DataMatrix ці QR-код.

Быў істотна скарочаны пералік беларускіх тавараў, для якога сканаванне DataMatrix раней было абавязковым.

Адтуль прыбралі большасць пазіцый, «у тым ліку паўсядзённага попыту (алей, кава, чай, безалкагольныя напоі і іншыя)».

Аднак QR-код застаецца абавязковым для сканавання айчыннай малочнай прадукцыі, абутку, шын і асобных тавараў лёгкай прамысловасці (верхняе адзенне, бялізна сталовая, пасцельная і кухонная).

Ад маркіровак на гэтых таварах ужо дакладна не адысці. Яны прадугледжаныя ў адпаведнасці з міжнароднымі абавязацельствамі - Пагадненнем аб маркіроўцы тавараў сродкамі ідэнтыфікацыі ў Еўразійскім эканамічным саюзе ад 2 лютага 2018 года.

Новыя сістэмы на касах самаабслугоўвання ў большасці выпадкаў дазваляюць прабіваць толькі гэтую маркіроўку. Штрых-код ужо ёсць у ёй і яго не трэба сканаваць.

Фактычна, зараз абавязкаў па сканаванні адразу двух кодаў больш няма, і гэта добра. Аднак залежыць гэта ад касы самаабслугоўвання, якой вы карыстаецеся. На апаратах старой прашыўкі, давядзецца прабіваць абедзве маркіроўкі.

Падзел тавараў на розныя коды ў кожным выпадку будзе збіваць пакупнікоў з панталыку і прымушаць сканаваць некаторыя тавары двойчы. Бо пакупнік не заўсёды задумваецца аб тым, з якой катэгорыі ён узяў тавар.

Плюс самі QR-коды яшчэ непрывычныя для беларусаў. Іх размяшчэнне хаатычнае, а памер бывае дробным, праз што прабіць іх становіцца няпростай задачай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com