Генеральны сакратар NATO «разнёс» Крэмль праз перамовы ў Стамбуле

«Даслалі нейкага гісторыка».

Генеральны сакратар NATO Марк Рутэ раскрытыкаваў падыход Расеі да мірных перамоваў з Украінай. З яго слоў, замест рэальнага дыялогу кіраўнік расейскай дэлегацыі Уладзімір Мядзінскі займаецца «лекцыямі па гісторыі».

Пра гэта паведамляе Fox News.

Так, Рутэ заявіў, што зараз самае важнае - прымусіць Расею сесці за стол перамоў і размаўляць аб рэаліях сучаснасці, а не аб падзеях далёкага мінулага.

«Не трэба пасылаць нейкага гісторыка, які расказвае, што было ў 1700 нейкім годзе. Патрэбныя змястоўныя перамовы аб сучаснасці», - падкрэсліў ён.

Рутэ падкрэсліў, што ўкраінцы хочуць спынення агню і міру як мага хутчэй, і для гэтага Захад павінен узмацніць ціск на Маскву, зрэшты, з дапамогай санкцый і іншых рычагоў уплыву.

У той жа час ён падзякаваў прэзідэнту ЗША Дональду Трампу за тое, што той «ссунуў з мёртвага пункта» дыялог з Уладзімірам Пуціным і заахвоціў еўрапейскіх хаўруснікаў больш укладваць сродкаў у калектыўную абарону ў рамках NATO.

«Трамп быў адзіным, хто мог гэта зрабіць. Дзякуючы яму размова з расейцамі пачалася. Цяпер галоўнае - працягнуць яе так, каб яна мела рэальны вынік», - адзначыў Рутэ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com