Украіна атакавала найбуйнейшы ў Расеі завод па вытворчасці акумулятараў для беспілотнікаў і ракет

Другі раз з пачатку года.

Украінскія беспілотнікі ў ноч на 3 ліпеня масавана атакавалі Ліпецкую вобласць, паведаміў губернатар рэгіёну Ігар Артамонаў. «Пасля падзення беспілотніка на паркоўцы аднаго з прадпрыемстваў у Ельцы ўзнік пажар. На гэты момант агонь лакалізаваны. Супрацоўнікі найбліжэйшых цэхаў эвакуяваныя», — напісаў Артамонаў у тэлеграм-канале.

Паводле звестак Astra, пад удар трапіў завод «Энэргія» – найбуйнейшы ў Расеі вытворца акумулятараў для беспілотнікаў і ракет, а таксама батарэй для авіяцыі і флоту. На кадрах відавочцаў, якія прааналізавала выданне, бачна, што адзін з дронаў упаў побач з заводам, а на тэрыторыі самога прадпрыемства ўзнік пажар. Як піша ўкраінскі маніторынгавы тэлеграм-канал Supernova+, у выніку трапляння пацярпеў чацвёрты цэх завода. Да гэтага ўкраінскія дроны ўжо атакавалі прадпрыемства. Падчас налёту ў ноч на 23 траўня загарэўся адзін з цэхаў «Энэргіі», пацярпелі дзевяць супрацоўнікаў.

Паводле інфармацыі Supernova+, цэллю нападу быў вайсковы аэрадром «Ліпецк-2».

Паводле справаздачы Мінабароны РФ, цягам мінулай ночы дзяжурнымі сродкамі СПА былі знішчаныя 69 украінскіх беспілотніка самалётнага тыпу. З іх 27 перахопленыя над тэрыторыяй Белгародскай вобласці, 22 - над Варонежскай, 10 - над Ліпецкай, 8 - над Курскай і 2 - над акупаваным Крымам. Падчас налёту беспілотнікаў «для гарантавання бяспекі палётаў» часовыя абмежаванні на прыём і адпраўку самалётаў уводзілі ў аэрапортах Саратава і Тамбова. На гэты момант абмежаванні скасаваныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com