У ЕЗ ёсць шанец стаць цалкам незалежным ад расейскай энэргіі

Дапамогуць малыя ядравыя рэактары.

Еўрапейскаму Звязу неабходна імкнуцца да поўнай энэргетычнай незалежнасці ад Расеі. Адным з перспектыўных развязанняў можа стаць укараненне малых модульных рэактараў (SMR) - кампактных ядравых установак для гарадоў, прамысловых аб'ектаў і вайсковых базаў, піша выданне CEPA (пераклад - сайт Charter97.org).

SMR маюць шэраг пераваг: іх можна збіраць на месцы з модуляў, што зніжае выдаткі на ўстаноўку, а сучасныя сістэмы бяспекі мінімізуюць рызыку ўцечкі радыяцыі.

"Мы павінны вырабляць энэргію ўнутры ЕЗ, каб нейтралізаваць знешні ўплыў", — зазначае аўтар артыкула, эксперт ў міжнароднай бяспецы Андрэй Удавічэнка.

Цяпер тэхналогіі SMR актыўна развіваюцца. Сярод лідараў – TerraPower (падтрымліваецца амерыканскім прадпрымальнікам і грамадскім дзеячам Білам Гейтсам), Westinghouse, Rolls Royce (атрымаў $3,4 млрд. ад Вялікабрытаніі) Аднак рэалізацыя патрабуе часу і значных інвестыцый.

Тым не менш масавае ўкараненне SMR ў краінах ЕЗ можа істотна знізіць уплыў Расеі, зрабіць таннейшымі вуглевадароды і падарваць аргументы дзяржаў, якія выступаюць за “танную” расейскую энергію. Акрамя таго, дэцэнтралізацыя электрасетак на аснове SMR павысіць устойлівасць да кібератакаў і авіяўдараў.

"Калі Еўропа сур'ёзна мае намер абараняць сябе, яна павінна развіваць малыя ядравыя рэактары. Пытанне не толькі ў энэргіі - гэта пытанне стратэгічнай бяспекі", - падкрэслівае Удавічэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com