Навукоўцы расказалі, як сыр уплывае на нашы сны

Ці варта есці гэты прадукт увечары?

Існуе распаўсюджанае меркаванне, што ўжыванне сыру перад сном можа выклікаць яркія сны ці нават жахі. Нядаўняе даследаванне канадскіх навукоўцаў ізноў вярнула гэтую тэму ў цэнтр увагі, піша The Conversation (пераклад - сайт Charter97.org).

У даследаванні прынялі ўдзел 1082 студэнты-псіхолагі, якія адказвалі на пытанні пра уплыў харчавання на сон і сны. Каля 40% удзельнікаў заявілі, што пэўныя прадукты ўплываюць на іх сон: 25% меркавалі, што ежа пагаршае якасць сну, а 20% - што паляпшае. І толькі 5,5% звязвалі ежу з характарам сноў, прычым многія казалі, што менавіта прысмакі,малочныя прадукты, таксама і сыр выклікаюць дзіўныя або трывожныя сны.

Навукоўцы тлумачаць гэтую сувязь фізіялогіяй: ноччу стрававальная сістэма працуе павольней, і ежа, асабліва багатая на бялкі і тлушчы, як, напрыклад. сыр, даўжэй ператраўліваецца. Калі страўнік ператраўлівае, гэта можа пагаршаць якасць сну, асабліва фазы хуткага сну, падчас якой мы бачым найболей яркія сны.

Таксама ў людзей з непераноснасцю лактозы негатыўны ўплыў малочных прадуктаў на сон можа быць больш выразным, што пацвердзілі і ўдзельнікі даследавання.

Цікава, што мы можам бачыць яркія сны ці жахі кожную ноч, але запамінаем іх часцей, калі прачынаемся менавіта ў фазе хуткага сну - гэта значыць калі сон перарываецца. Ужыванне сыру перад сном павялічвае верагоднасць такіх абуджэнняў.

Спецыялісты раяць не есці за 2 гадзіны да сну, каб ежа паспела ператравіцца. Калі хочацца сыру ўвечары - лепш з'есці яго крыху раней ці ў невялікай колькасці. Тады сон будзе спакойны, а начныя сны — не будуць трывожныя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com