Зяленскі дамовіўся пра супольную вытворчасць дронаў з кампаніяй з ЗША

Падрабязнасці.

Прэзідэнт Украіны Уладзімір Зяленскі паведаміў у Facebook 3 ліпеня пра падпісанне дамовы з амерыканскай кампаніяй Swift Beat.

«Візіт у Данію пачынаецца з важнага кроку для нашай абароны. Ёсць дамоўленасць пра ўкраінска-амерыканскае супрацоўніцтва для вытворчасці дронаў і, сярод іншага, дронаў-перахопнікаў – гэта відавочны прыярытэт», – напісаў ён.

Паводле словаў прэзідэнта, размова ідзе пра сотні тысячаў дронаў ужо сёлета і магчымасці значна маштабаваць вытворчасць у наступным годзе.

«Перахопнікі для знішчэння варожых дронаў і ракетаў, квадракоптары для выведкі і карэктавання агню, ударныя дальнабойныя дроны – усяго гэтага будзе значна больш, менавіта так, каб забяспечваць рэалізацыю нашых задачаў у абароне, каб абараняць жыццё ўкраінцаў», – адзначыў Зяленскі.

Дакумент прадугледжвае пашырэнне вытворчых магутнасцяў кампаніі, а сучасныя дроны будуць пастаўляцца Украіне прыярытэтна, на спецыяльных умовах і з сабекоштам, паведамляе Офіс прэзідэнта Украіны.

Таксама плануецца распрацоўка новых інавацыйных ідэяў – гэта перахопнікі крылатых і балістычных ракетаў, аўтаматычныя турэлі, выведныя платформы.

Swift Beat, LLC – амерыканская кампанія, якая мае значную прысутнасць ва Украіне. Яна спецыялізуецца на вытворчасці аўтаномных дронаў са штучным інтэлектам, а таксама актыўна супрацоўнічае з украінскімі інжынерамі і вайскоўцамі, праводзіць тэставанне дронаў на тэрыторыі Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com