УСУ другі раз за тыдзень ударылі па камандным пункце 8-й арміі РФ у Данецкай вобласці

Украінскія ваяры ўдарылі ракетамі Storm Shadow.

Сілы абароны Украіны другі раз за тыдзень нанеслі ўдар па камандным пункце 8-й агульнавайсковай арміі УС РФ, паведамілі ў Генштабе ў пятніцу, 4 ліпеня.

Акрамя таго, УСУ падбілі камандны пункт 20-й мотастралковай дывізіі Узброеных сілаў Расеі на часова акупаванай тэрыторыі Данецкай вобласці, дадалі ў Генштабе.

Страты ворага ўдакладняюцца.

«Нашы няспынныя высокадакладныя ўдары значна зніжаюць здольнасць ворага планаваць і весці аперацыі ў рэгіёне. Усе намаганні, накіраваныя на прадаўжэнне акупацыі суверэннай тэрыторыі Украіны, будуць сустрэтыя дакладнай адплатай і дорага будуць каштаваць ворагу», – гаворыцца ў паведамленні.

30 чэрвеня ў Генштабе паведамілі, што УСУ падбілі пункт кіравання 8-й агульнавайсковай арміі Узброеных сілаў РФ на часова акупаванай тэрыторыі Данецкай вобласці.

Там адзначылі, што гэтая параза істотна ўскладняе для расейцаў працэс планавання і вядзення аперацый у кірунках Пакроўска і Тарэцка.

У той самы дзень расейскі Telegram-канал Shot паведамляў, што ўвечары 30 чэрвеня ў акупаваным Данецку прагрымелі выбухі. Паводле словаў мясцовых жыхароў, было некалькі пажараў у розных раёнах горада. Атака магла ажыццяўляцца крылатымі ракетамі Storm Shadow, а таксама ўдарнымі беспілотнікамі.

Гэта пацвердзіў украінскі OSINT-праект Dnipro.

«У Данецку некалькі крылатых ракетаў Storm Shadow падбілі аб'ект акупантаў», – гаварылася ў паведамленні.

Там таксама адзначалася, што ў зону паразы трапіў будынак, які раней належаў данецкаму дзяржаўнаму інстытуту каляровых металаў.

Украінскі канал Supernova паведаміў, што там знаходзіўся штаб 8-й агульнавайсковай арміі Узброеных сілаў РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com