Дэпутаты Нямеччыны патрабуюць ад Мерца больш грошай для Украіны
5- 5.07.2025, 14:54
- 1,844
Яны патрабуюць перагляду бюджэту і ўзмацнення падтрымкі на фоне адмовы ЗША ад абавязальніцтваў.
У лісце дэпутаты падкрэсліваюць, што без узмацнення супрацьпаветранай абароны і надзейных паставак узбраення «расейская дыктатура ва Украіне становіцца больш верагоднай».
На фоне ўзмацнення расейскіх нападаў па ўкраінскіх гарадах і скарачэння падтрымкі з боку ЗША нямецкія дэпутаты патрабуюць ад ураду тэрмінова даць больш грошай на падтрымку Украіны.
Як піша BILD, група дэпутатаў ад партыі «Зялёных», накіравала канцлеру Фрыдрыху Мерцу жорсткі ліст з патрабаваннем перагледзець памер дапамогі Украіне.
«Іх не задавальняе, што бюджэт на ваенную падтрымку Кіева павялічаны толькі з 7,1 да 8,3 мільярда еўраў. На фоне новых удараў па мірных гарадах Украіны, асабліва па Кіеве, парламентарыі настойваюць на тым, што гэтых грошай недастаткова», – піша выданне.
Паводле звестак BILD, дэпутаты патрабуюць тэрмінова павысіць аб'ёмы дапамогі Кіеву – і ў цяперашнім бюджэце, і ў планах на 2026–2029 гады, дзе памер дапамогі цяпер устаноўлена на ўзроўні 8,5 мільярда еўраў.
У лісце падкрэсліваецца, што без узмацнення супрацьпаветранай абароны і надзейных паставак узбраення «расейская дыктатура ва Украіне становіцца больш верагоднай».
«Пакуль Пуцін адкрыта пацвярджае, што не будзе весці перамовы і цалкам адданы сваім ваенным мэтам, пакуль Пуцін тэрарызуе цывільнае насельніцтва ўсё больш маштабнымі авіяўдарамі, амерыканскі ўрад адмаўляецца ў раней абяцанай падтрымцы», – гаворыцца ў лісце.
Пры гэтым дэпутаты падкрэсліваюць, што ў канцлера Нямеччыны «па-ранейшаму ёсць прастора для манеўру ў падтрымку Украіны».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
