Нідэрланды адправяць знішчальнікі для абароны шляхоў паставак дапамогі Украіне

F-35 накіруюцца ў Польшчу.

З верасня нідэрландскія знішчальнікі F-35 будуць патруляваць паветраную прастору NATO ў Польшчы сумесна з Нарвегіяй, паведаміў міністр абароны Нідэрландаў Рубен Брэкелманс. "Дзеля бяспекі Нідэрландаў важна абараняць усходні фланг NATO... Такім чынам, мы будзем трымаць Расею на адлегласці і ахоўваць шляхі забеспячэння Украіны", - адзначыў ён.

30 чэрвеня пра адпраўку знішчальнікаў F-35 у Польшчу дзеля інтэграванай супрацьпаветранай і супрацьракетнай абароны NATO паведаміла Мінабароны Нарвегіі.

З гэтай восені самалёты будуць абараняць аэрапорт у Жэшуве - важны лагістычны вузел, праз які ідуць пастаўкі Украіне. "Такім чынам Нарвегія дапамагае забяспечыць паступленне дапамогі Украіне і працяг яе барацьбы за свабоду", - заявіў міністр абароны Торэ Сандвік. Ён дадаў, што расейская вайна паказала важнасць СПА. "Мы робім гэта перш для Украіны і Польшчы, але таксама дэманструем выкананне сваіх абавязацельстваў у NATO ", - адзначыў міністр.

Са снежня 2024 года, як піша The Moscow Times, у прыкрыцці аэрапорта ў Жэшуве выкарыстоўваюць нарвежскія зенітныя ракетныя комплексы NASAMS. Ля гэтага горадам размяшчаецца польская ваенная база Ясёнка, праз якую праходзіць практычна ўся зброя і тэхніка, што пастаўляюць заходнія краіны ва Украіну. Раней сваю місію там выконвалі войскі ЗША. Аднак у красавіку стала вядома, што іх заменяць нарвежскія, нямецкія, брытанскія і польскія вайскоўцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com