Расэканоміка коціцца ў прорву хутчэй, чым чакалася
2- 7.07.2025, 19:45
- 9,190
Дэфіцыт бюджэту б'е рэкорды.
Эканоміка Расеі прадаўжае заглыбляцца ў крызіс: дэфіцыт федэральнага бюджэту краіны за першыя шэсць месяцаў 2025 года дасягнуў 3,69 трлн расейскіх рублёў, або амаль 47 млрд даляраў. Гэта складае 1,7% ВУП, паведамляе Reuters (пераклад – dialog.ua) са спасылкай на звесткі Мінфіна РФ.
Такім чынам, за паўгода расейская эканоміка дасягнула гадавога ліміту бюджэтнага дэфіцыту, які раней прагназаваўся на ўзроўні тых самых 1,7% ВУП.
Для параўнання, за аналагічны перыяд 2024 года дэфіцыт складаў усяго 0,3 адсотка ВУП, а за першыя пяць месяцаў гэтага года ён быў на ўзроўні 1,5 адсотка ВУП. Фактычна цяперашнія тэмпы росту дэфіцыту паказваюць, што да канца 2025-га Расея можа перавысіць запланаваныя паказнікі ў некалькі разоў.
Выдаткі прыкметна растуць, прыбыткі падаюць
Галоўная прычына імклівага росту бюджэтнай дзіркі – рэзкае павелічэнне выдаткаў на фоне стагнацыі эканомікі. За паўгода бюджэтныя выдаткі выраслі адразу на 20,2%, у той час як прыбыткі падняліся толькі на 2,8%.
Асабліва моцна ўдарыла падзенне прыбыткаў ад продажу энэрганосьбітаў – на 17% у параўнанні з першым паўгоддзем 2024 года.
Нафта і газ традыцыйна застаюцца галоўным артыкулам напаўнення расейскага бюджэту, і зніжэнне іх коштаў на сусветным рынку балюча б'е па эканоміцы краіны, якая вядзе вайну супраць Украіны.
Яшчэ ў красавіку Мінфін РФ быў вымушаны павысіць прагноз дэфіцыту бюджэту на ўвесь 2025 з 0,5% да 1,7% ВУП, адначасова знізіўшы чаканыя прыбыткі ад нафты і газу на чвэрць. Міністэрства тады адзначыла, што прычына такой пастановы – доўгі перыяд нізкіх коштаў энэрганосьбітаў і рызыка іх далейшага падзення.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
