Нэтаньяху вылучыў Трампа на Нобелеўскую прэмію міру

Прэзідэнт ЗША высока ацаніў гэты жэст.

Прэм'ер-міністр Ізраіля Біньямін Нэтаньяху паведаміў прэзідэнту ЗША Дональду Трампу, што вылучыў яго на Нобелеўскую прэмію міру. Як паведамляе Bloomberg, пра гэта Нэтаньяху сказаў Трампу падчас вячэры ў Белым доме ў панядзелак.

«Ён наладжвае мір зараз. У адной краіне і адным рэгіёне за іншым. Таму я хачу прадставіць вам, спадар прэзідэнт, ліст, які я адправіў у Камітэт па Нобэлеўскай прэміі. У ім вылучаецца ваша кандыдатура на Прэмію міру, што цалкам заслужана, і вы павінны яе атрымаць», - заявіў Нэтаньяху.

Трамп у адказ сказаў, што такая заява менавіта ад прэм'ера Ізраілю «вельмі значная».

Як адзначае Bloomberg, Нэтаньяху - не першы замежны лідар, які намінаваў Трампа на Нобелеўскую прэмію. У мінулым месяцы Пакістан заявіў, што намінуе Трампа на прэмію, падкрэсліўшы, што замежныя лідары разумеюць, што найлепшы спосаб атрымаць тое, што яны хочуць ад прэзідэнта ЗША, - гэта абсыпаць яго пахваламі.

Трамп даўно прагне атрымаць Нобелеўскую прэмію міру, і неаднаразова выказваў раздражненне наконт таго, што яго папярэднік на першым тэрміне Барак Абама атрымаў яе ў 2009 годзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com