Беларусы спрачаюцца пра кошт паслугі, якая стала актуальнай праз навінку ўладаў

Яна датычыцца ўладальнікаў дамоў і надзелаў.

У Беларусі сёлета ўвялі змены ў добраўпарадкаванні дамоў і зямельных надзелаў. Напрыклад, уладальнікам прыватнага жылля трэба рэгулярна скошваць траву, калі яна дасягае вышыні большай за 20 сантыметраў. Калі гэтага не рабіць, дык можна атрымаць штраф. А цяпер стала вядома, што чыноўнікі могуць увесці адзіны дзень прыборкі, у тым ліку прыватнага сектару. На гэтым фоне беларусы актыўна абмяркоўваюць у сацсетках кошт такой паслугі, як пакос травы, піша «Люстэрка».

У Дзяржынску і Фаніпалі такая паслуга каштуе 10–12 рублёў за сотку, калі трава вышынёй да 20 сантыметраў.

У некаторых выпадках кошт можа быць вышэйшы. «Кошт соткі – 25 рублёў», – паказана ў роліку ў TikTok ад прадпрымальніка, які прапануе такую паслугу. Пад ім аўтар удакладніў, што кошт насамрэч – 20–25 рублёў. І гэта расцэнкі на быльнік, гэта значыць траву, якую не касілі некалькі гадоў.

У каментарах адзін з карыстальнікаў расказаў, што ў Менскай вобласці «поўна прапановаў» за 7-8 рублёў за сотку.

У чэрвені іншая беларуска расказала ў TikTok, што яна дамовілася на пакос травы на 2,5 соткі за 30 рублёў. «Ён у канцы пакосу кажа: “А давайце 50”. У выніку было скошана за 40 рублёў», – кажа яна.

Яна ж расказала ў іншым відэа, што ў траўні аддала за аналагічную паслугу 60 рублёў. А ў чэрвені «прыйшоў адзін чалавек і ўзяў за дзве соткі 40 рублёў». «Я мяркую, што гэта задорага, таму на 18 сотак наняла іншага чалавека. Заплаціла 200 рублёў», – расказала яна.

Жанчына прызналася, што ўважае такія кошты за высокія і ў будучыні мае намер шукаць варыянты таннейшыя, каб за сотку бралі не 10 рублёў, а 5–7.

У каментарах людзі падзяліліся сваім досведам і меркаваннем пра кошты:

«У нас расцэнкі – 7-8 рублёў за сотку, але бензін і лёска – мае. Плюс кава праз кожную гадзіну».

«У сябе кашу вакол дома 2-3 соткі. Сыходзіць крыху больш за літр бензіну. 3-4 рублі аліва плюс 1,5 рубля на лёску. Ну, і змазка рэдуктара – 1 рубель. Блізу 3 рублёў затраты на сотку, без уліку зносу і кошту абсталявання. Сюды ж дадамо 2 рублі бензіну на дарогу да вас. Разам на агарод 3 соткі мы маем блізу 12-13 рублёў выдаткаў. Дзеля 2 рублёў зарабіць дакладна не прыйшоў бы. А, як правіла, просяць у асноўным такія надзелы касіць. Вось і кошт 10 рублёў з'явіўся. Але не забываем, што 12 рублёў – гэта без уліку кошту абсталявання і яго амартызацыі».

«Набудзь трымер, набудзь лёску, набудзь аліву разводзіць бензін, набудзь змазку ў рэдуктар плюс пацягай на сваім гарбе трымер і паглядзі, дорага 10 рублёў сотка ці не».

«Кобрын. Ад 6 рублёў. І падаткі плачу, бо працую афіцыйна».

«10 рублёў ужо не першы год – на сёння гэтага ўжо мала, кошт паднімаць трэба».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com