Малгажата Гасеўская: Ніякіх саступак Лукашэнку

Санкцыі будуць знятыя, калі дыктатар вызваліць усіх палітвязняў.

Кіраўнік дэлегацыі Еўрапарламента ў сувязях з Беларуссю, еўрадэпутатка ад Польшчы Малгажата Гасеўска выступіла з моцнай прамовай у Еўрапарламенце. Яна заклікала Брусель не аслабляць ціску на Лукашэнку. Сайт Charter97.org прыводзіць выступ Малгажаты Гасеўскай:

- Лукашэнка адпусціў 30 закладнікаў. Не «вязняў» - закладнікаў, якіх жорстка катавалі, знясілілі псіхічна і фізічна. Іх знешні выгляд гаворыць сам за сябе. Паглядзіце на твар Сяргея Ціханоўскага - гэта не твар чалавека, які здабыў свабоду. Гэта сведчанне злачынства.

Але рэжым не спыняецца. У 2025 годзе - у нас ужо больш за 1700 затрыманняў. Сотні новых закладнікаў. Псеўдасуды працуюць кожны дзень, як у выпадку з Вікторыяй Кульшай — пяты прысуд, катастрафічны стан здароўя, бестэрміновае ўтрыманне пад вартай. Гэта не правасуддзе. Гэта - сістэма тэрору.

Памілаванні - гэта цынічная гульня рэжыму. Гэта дымавая заслона. Лукашэнка слабее, санкцыі працуюць. Менавіта таму нельга іх зараз аслабляць! Іх трэба ўзмацніць - ударыць дакладней і глыбей.

ЕЗ павінен гаварыць адзіным голасам: ніякіх саступак. Ніякіх ілюзій. Прыпыненне санкцый магчыма толькі ў адным выпадку — поўнае, неадкладнае вызваленне ўсіх палітычных зняволеных, ануляванне ўсіх палітычных спраў, нуль новых рэпрэсій.

Кожны крок назад - гэта дазвол на злачынства.

Жыве Беларусь!

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com