Трамп: Пуцін шмат трызніць пра Украіну

Прэзідэнт ЗША паабяцаў зладзіць расейцам «неспадзяванку».

Прэзідэнт ЗША Дональд Трамп заявіў, што "незадаволены" расейскім дыктатарам Уладзімірам Пуціным і сказаў, што страты падчас вайны, развязанай РФ супраць Украіны цяпер складаюць "7 тысяч чалавек штотыдзень".

Адпаведную заяву Трамп зрабіў 8 ліпеня ў гутарцы з журналістамі, піша The Guardian.

«Я не задаволены Пуціным. Я магу сказаць вам гэта цяпер, таму што ён забівае шмат людзей, і многія з іх - яго жаўнеры, у асноўным яго жаўнеры і іх жаўнеры. І гэты лік дасягае 7000 у тыдзень. Пуцін шмат трызніць пра Украіну», - сказаў Трамп.

Калі журналісты запыталіся ў Трампа пра магчымыя дзеянні да Пуціна, прэзідэнт Трамп адмовіўся падрабязна адказваць.

"Я не буду вам расказваць, мы хочам зрабіць невялікую неспадзяванку", - сказаў ён.

Затым прэзідэнт Трамп заявіў, што “яны [украінцы - рэд.] ваююць вельмі адважна”, але не прамінуў разам з гэтым адзначыць, што ЗША паставілі Украіне “надзвычайную зброю” і “лепшае абсталяванне, якое калі-небудзь выраблялі”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com