«Ну вось змарылася я, гэта быў позні вечар»

Беларусцы пагражае штраф ад падатковай за тое, што прабіла чэк не ў той час дня.

Самазанятая беларуска ў сваім TikTok заявіла, што аказалася «лузеркай» і патрапіла на штраф праз, здавалася б, нязначны промах. Яна папярэдзіла ўсіх плацельнікаў падатку на прафесійны прыбытак (ППП) пра нюанс у заканадаўстве, які можа дорага абысціся, піша «Тэлеграф».

Паводле словаў дзяўчыны, яе выклікалі ў падатковую для складання пратакола аб адміністрацыйным правапарушэнні. Прычынай стаў выпадак, калі яна, атрымаўшы ад кліента грошы гатоўкай 13 траўня, не сфармавала чэк у дадатку ППП у той самы дзень.

«Ну вось я змарылася, так? Я стамілася, гэта быў позні вечар, я сыходзіла дадому, было не да ППП», – патлумачыла яна. Чэк у дадатку беларуска сфармавала на наступную раніцу, 14 траўня, пры гэтым шчыра ўказаўшы, што прыбытак быў атрыманы менавіта за 13-ы дзень. Аднак у падатковай, як яна сцвярджае, гэта назвалі парушэннем. «Высветлілася, так нельга», – канстатавала яна.

І сапраўды, у заканадаўстве ёсць такі момант. Згодна з пастановай Саўміна № 433, якая рэгулюе працу з дадаткам ППП, тэрміны фармавання чэка наўпрост залежаць ад спосабу аплаты.

Як вынікае з дакумента, калі аплата прыйшла не гатоўкай (праз банкаўскія карты, QR-коды і т. д.), то сфармаваць чэк можна «не пазней за 7-ы дзень месяца, наступнага за месяцам» аплаты. А вось пры разліку гатоўкай закон няўмольны. Чэк павінен быць сфармаваны «ў момант атрымання грашовых сродкаў», ніяк інакш.

Такім чынам, перанос гэтай аперацыі нават на наступную раніцу можа ўважацца за парушэнне парадку прыёму плацяжоў. Адказнасць за гэта прадугледжаная артыкулам 13.14 КаАП, які пагражае фізічным асобам штрафам памерам да 30 базавых велічыняў (на сёння гэта 1260 рублёў).

Канчатковы памер штрафу для гераіні відэа, калі разбіральніцтва сапраўды мела месца, пакуль невядомы нават ёй самой.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com