У войску РФ сістэматычна абкрадаюць уласных вайскоўцаў
4- 9.07.2025, 11:15
- 3,764
Украінская выведка паведаміла падрабязнасці.
У расейскім войску сістэматычна абкрадаюць уласных вайскоўцаў.
Як адзначаецца ў паведамленні ў Telegram-канале Галоўнай управы выведкі Міністэрства абароны Украіны, блізу 10% вайскоўцаў Паўднёвай ваеннай акругі Узброеных сілаў Расеі не атрымліваюць грашовага забеспячэння або атрымліваюць яго не ў поўным аб'ёме.
Указваецца, што пра гэта сведчаць дакументы Міністэрства абароны Расеі пра вынікі праверкі акругі ў сакавіку – красавіку 2025 года, здабытыя ваеннай выведкай Украіны.
«Згодна са справаздачамі МА РФ, больш за 2,5 тысячы вайскоўцаў Паўднёвай акругі ўвогуле не атрымалі грашовага забеспячэння праз адсутнасць дакументаў аб іх залічэнні на службу, яшчэ блізу 3 тысячаў – праз «адсутнасць банкаўскіх рэквізітаў», – гаворыцца ў паведамленні.
Акрамя таго, больш за 20 тысячаў чалавек атрымалі належныя ім выплаты не ў поўным аб'ёме праз адсутнасць адпаведных загадаў.
«Не аформленыя і выплаты сем'ям больш за 2500 загінулых вайскоўцаў, а таксама больш як 2000 чалавек, звольненым з шэрагаў УС РФ», – расказалі ў выведцы.
Адзначаецца, што ў справаздачы размова ідзе толькі пра адну з пяці ваенных акруг Расеі – Паўднёвую. У той самы час у маштабах усіх узброеных сілаў дзяржавы-агрэсаркі праблемы могуць быць яшчэ глыбейшымі.
«Такая сістэмнасць можа сведчыць пра свядомую палітыку абкрадання дзяржавай-агрэсаркай уласных вайскоўцаў, якіх Крэмль выкарыстоўвае як гарматнае мяса. Гэта – чарговае пацверджанне таго, што ў войску РФ людзі – толькі матэрыял на выдаткі», – падкрэсліў прадстаўнік ГУВ Андрэй Юсаў.
У выведцы дадалі, што аналіз атрыманай інфармацыі сведчыць пра істотнае пагаршэнне сітуацыі з выплатай грашовага забеспячэння ў расейскім войску цягам 2025 года.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
