Два чалавекі пацярпелі ад укусаў гадзюкі ў Гарадзенскай вобласці

Спецыялісты далі рэкамендацыі.

У Гарадзенскай вобласці два чалавекі звярнуліся па дапамогу праз укус змяі. Паводле словаў пацярпелых, гаворка ідзе пра гадзюку. Абодвум пацыентам прапанавалі неабходную дапамогу ў стацыянары.

Першы пацярпелы – мужчына. Паводле ягоных словаў, гадзюку ён сустрэў падчас пакосу травы. Пры аглядзе медыкі знайшлі на назе мужчыны тры месцы ўкусу, расказалі ў Галоўнай управе аховы здароўя Гарадзенскага аблвыканкама. Каб прадухіліць цяжкія наступствы, пацыента перавялі ў рэанімацыю і ўвялі адмысловую сыроватку. У прэпараце, растлумачылі спецыялісты, змяшчаюцца антыцелы, якія нейтралізуюць атруту ў арганізме. Таксама пацярпеламу прызначылі сімптаматычнае лячэнне. Суткі ён знаходзіўся пад назіраннем у рэанімацыі, далей быў пераведзены ў аддзяленне таксікалогіі.

Другая пацярпелая ад укусу змяі – жыхарка Шчучынскага раёна. Жанчыне таксама ўвялі сыроватку супраць атруты гадзюкі.

Што рабіць пры ўкусе гадзюкі? Рэкамендацыі спецыялістаў:

1. Неадкладна звярнуцца па медыцынскую дапамогу ў найбліжэйшую ўстанову

2. Абмежаваць рухомасць пацярпелага органа

3. Даваць пацярпеламу шмат піцця

4. Апрацаваць рану антысептыкам і накласці стэрыльную павязку

5. Прыняць супрацьалергічныя прэпараты

6. Не накладваць жгут

7. Не прыпякаць рану

8. Не спрабаваць выціснуць або адсмактаць яд самастойна

9. Не ўжываць алкаголь

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com