СБУ затрымала ў Кіеве кітайскіх шпіёнаў

Яны збіралі сакрэтныя тэхналогіі вытворчасці ўкраінскіх ракет «Нэптун».

Контрвыведка Службы бяспекі Украіны затрымала ў Кіеве двух шпіёнаў Кітая, якія збіралі сакрэтныя тэхналогіі вытворчасці ўкраінскіх ракет «Нэптун». Яны спрабавалі нелегальна вывезці ў КНР таемную дакументацыю па ракетным комплексе.

Пра гэта 9 ліпеня паведаміла прэс-служба СБУ. Паводле інфармацыі следства, адзін са шпіёнаў - 24-гадовы экс-студэнт адной з тэхнічных ВНУ Кіева. Ён застаўся ва ўкраінскай сталіцы пасля таго, як у 2023 годзе яго адлічылі за акадэмічную непаспяховасць.

Другі шпіён - яго бацька, які ўвесь час пражываў у Кітаі, але перыядычна ездзіў ва Украіну, каб асабіста каардынаваць агентурную працу сына.

Па матэрыялах справы, экс-студэнт з Кітая павінен быў атрымаць тэхнічную дакументацыю па вытворчасці ўкраінскіх «Нэптунаў».

Для гэтага ён спрабаваў завербаваць грамадзяніна Украіны, які мае дачыненне да распрацовак найноўшых узбраенняў.

Контрвыведка СБУ выкрыла шпіёна яшчэ ў пачатку яго выведвальнай актыўнасці і затрымала «на гарачым» падчас перадачы яму сакрэтных дакументаў.

Пасля быў затрыманы ягоны бацька, які павінен быў перадаць сакрэтныя звесткі ў спецслужбы Кітая.

Падчас ператрусаў у абодвух канфіскаваныя тэлефоны з довадамі іх перапіскі, дзе яны каардынуюць сваю шпіёнскую дзейнасць.

Следчыя СБУ паведамілі затрыманым аб падазрэнні адпаведна з ч.1 арт. 114 Крымінальнага кодэкса Украіны «шпіянаж».

Фігурантам пагражае да 15 гадоў турмы з канфіскацыяй маёмасці.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com