Як мозг дапамагае нам вырашыць, варта працяваць працу ці пара адпачыць
- 9.07.2025, 20:03
- 3,420
Вынікі даследавання.
Напэўна, усе стамляюцца падчас працы ці вучобы. Даследнікі з Універсітэта Джонса Хопкінса (ЗША) вызначылі дзве вобласці мозгу, якія ўплываюць на тое, стане чалавек працаваць на знос або зробіць перапынак, піша «Нож».
Навукоўцы правялі эксперымент, у якім удзельнічалі 28 добраахвотнікаў ва ўзросце ад 21 да 29 гадоў. Падыспытным заплацілі 50 даляраў кожнаму і паведамілі, што неўзабаве змогуць атрымаць яшчэ адзін бонус.
Перад пачаткам эксперыменту ўсе ўдзельнікі прайшлі базавае МРТ-сканаванне. Далей ім трэба было запомніць паслядоўнасць літар на экране - паступова ўмовы тэсту ўскладняліся.
Спецыялісты паведамілі добраахвотнікам прамежкавыя вынікі тэставання і прапанавалі ім выканаць энергазатратныя практыкаванні ў абмен на невялікую грашовую надбаўку. У заключнай частцы эксперыменту людзей прасілі ацаніць узровень стомленасці пасля кожнага тэста.
Вынікі эксперыменту паказалі, што ў момант кагнітыўнай стомленасці ў людзей актывізаваліся дзве вобласці мозгу. Гаворка пра правую астраўковую долю (гэтая вобласць у глыбіні мозгу звязаная з пачуццём стомленасці) і дарсалатэральную прыфрантальную кару (вобласць, якая кантралюе працоўную памяць).
Што важна, людзі былі гатовыя пераадольваць кагнітыўную стомленасць, калі фінансавыя стымулы здаваліся ім дастаткова высокімі.
“Магчыма, гэтыя дзве вобласці мозгу працуюць разам, каб пазбегнуць дадатковых кагнітыўных намаганняў. Выключэнне - дадатковыя стымулы. Аднак можа існаваць неадпаведнасць паміж успрыманнем кагнітыўнай стомленасці і рэальнымі магчымасцямі чалавечага мозгу”, - удакладніў доктар Вікрам Чыб, суаўтар даследавання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
